Phelong Phumling gu kahumboky lingsubo
Aram Phelong ga Christian thiupat rai mai dung niu Bangla-Chek ga kiluang thiujiu pazan naleng di Phumling (Church) lingsu khai de. Siga Thuanping Newmai niu Incharge Pastor raibo thiujiu 1945 – 1949 katang phung khai ye. Chiujiu Phelong nam gu kahumboky habam tadi kahumbo bam leng kalek kiga chabam taliu lujiu kahum aruangbo tien thiusu mi ye. Phelong Phumling hai 1940 gasu sujiu 1945 katang hai Tarianglong Baptist Church gu TP. Huruang Pastor niu pagu branch thiubo ruangga arammai di jou jiu lung wang ye. 1946 ga Namtiram Baptist church niu raibo ruang ga joujiu aram Phumling tu Full Fledged thiu majut jiu ND. Kaibuanang tu Pastor Confirmed thiubo nai pagu branch church thiurabo tudi pakhuga benlein khai de. Paniu aram church tu pagu branch Church thiukhaijiu phungkhaibo 1946 – 1979 katangbo takum samriu-za-madai (34) phung khai de. Phelong Phumling hai 1945 kum gasu sujiu Namtiram Baptist Church tu Mother church thiu jiu Jengtung 06/03/1979 bonai gasu Rev. MP. Namthiurai, Field Secretary, ZBA/MBA No. 4 niu minister thiujiu Phelong Phumling tu Full Fledged Church thiu khai ye, khatdi Kaihiamlung Newmai tu Confirmed Pastor di kam khai de. Sibosai, Tingwang lungsiat pein ganiu Phumling di disan khang jiu 1987 kum Kahumbo-ki (church building) di kasan thiuloi khai lande. Siga N. Dinsonang, Acting Exe. Secretary LNBA (M) niu Minister thiujiu Tingwang khuga kat ngut (Dedication) khai ye. Thainai chapbambo kahumboki (Phelong Nguang Church Building) se thiu luan mangiu (5) bo ki de.
