TR. Maraikam (Poukendinang)
Pastor, Upper Phelong Baptist Church LNBA (M)
(L) TR. Pouramjinang nai TR. Kingailiu gu napuan ga kating (eldest) thubo thiu jiu lung wang bo piu ye. Patu hai Non-Christian kalek gasu lung wang mijiu patu puanbo tingmik siak sera silu mak ye. Chiudi 1967/68 ga lung wang bo leng chak khai ye. Panai puan nchambo npiumai khang nia (2) khatdi npui khang nia (2), chiujiu paliu khang mangiu (5) ye. Pating katheng lam Chara tu simak jiu tasing tatu ratu (Animism) kahumjiu lungbam ga, KH. Abibou, Phelong phumling gu Deacon niu Rapiu ladkeng dinkhaijiu Jengtung 20/07/1973 bonai Christian convert thiu pat de. Chiujiu, Jengtung 21/04/1985 bonai Rev. H. Newmai, Executive Secretary, LNBA (M) niu patu baptised thiu khai ye. Tingwang niu lungsa khaijiu, jengtung 18/12/1991 bonai Rev. AP. Thomray, Luangdi Baptist Church niu Khiubangdimliu (Kasanliu Newmai) tu holy marriage kam khai jiu kikhun duan khai ye. Tingwang niu thoidam pikhaijiu, npuimai khang sum (3) lung wang ye. Paliu zan niu 1Manawangliu 2. Machasiliu 3. Wimasianliu chiu ku ye. Paniu Phumling tu pachun gutjiu macha khaibo hai siambo dihbo thiu son makjiu Rapiu ngam leng papum kat patjiu tien khaijiu bamme.
Paniu Phelong phumling gu BYF fund collector thiu lubo sai BYF gu Vice President phung jiu bambo ting ga 1994 kum Phelong nam hai namsan thom khaide. Siga, namsan gu choir master thiujiu BYF gu Deacon di thiu tarun bambo ting, Gengjinang (Agengbou) Newmai, Incharge Pastor gu malin leng patu 2004 kum som khai de. Chiujiu K. Disibou, Pastor, Taningjam Baptist Church niu minister thiukhai jiu patu confirmed Pastor kam khai de. Phumling leng jeng niu pagu ngamkam kawibo thiusan jiu bambo ting ga LNBA-M gu Executive Secretary, Rev. Z. Mairilungbou niu patu Licentiate pastor thiubam raleng 2019 kum licensure pikhaide.
Chiujiu, paniu khatdi pakipui niu Tingwang ngamkam ga maran jiu Phumling tu jukhai jiu kawibo lunglein khai jiu bam-e. Thainai mein Platinum Jubilee gu changee gadi paniu pachunwijiu Vice Chairman thiu jiu changam maran jiu kam bam-e. Pakikhun ga Tingwang gu agi manaibo thoidam doujiu lung bam-e.
