Gironang Riamai
Pahai, 1900 kum puanne khatdi paniu Phelong nam ga Christian thiu raithu bo piu ye. Jengtung 15/04/1940 Friday bonai Pariwangbou (Matekbou) Evangelist niu Christian convert thiu khai de. Khatdi, pahai Non-Christian (Animism) gasu Inranwangliu tu panou thiujiu panapui Ramsuangkhiuliu, panapiu Dinlungbou tu mana lujiu panou pana tu majang jiu Christian thiu pat de. Paniu Christian thiumibo duan niu pui-piu racheng (Animism) thin mai niu kiluang ga lungsui makge tiujiu kareng hang lam chaki thiujiu takum akhat lung khai jiu British government niu Rest Camp thiu khaibo kiluang (Bangla Chek) lam lung tad mide. Siga pasin-parin thiujiu Christian thiupat Karen su de. Khatdi, pahai Jengtung 13/05/1944 bonai evangelist, Singpu niu Minister thiujiu baptised thiu khai de. Paniu Christian thiulu bosai takum tachat/chakiu (8/9) dou lung khang boga panapui Taningjam lam kalek thiu tad mi de. Haibosai, panapiu, khatdi panou niu patu soudiak khaijiu jengdiu mide. Sijeng niu watheng mak boga Chramram nam lam pasingnah khulam lung tad mide. Paniu kalek kalek ga tadjiu kakheng thiu tad bam-e chiu din ye. Tingwang niu lungsa khaijiu paniu Christian thiu lubo kum gasu chaksujiu takum atai (40) tang boga, paniu Christian thiu patbo tingmik nai chahiu (on the same date he converted - 15/04/1980) ga Phelong nammai niu Kenpatbo (Passover) gu changee lude.
