Kiusoulang Pamai. S/o Mr. Poukuijin
Pahai 1893 ga mana ye, chiu jiu pui-piu cheng riak gasu Santhuiliu tu kalek thiujiu lung bam liu ye, siga pana npiumai niu 5 khatdi npuimai niu 4 puan khai ye. Paniu Jengtung 30/03/1946 bonai Christian thiu patboga Chramram Pastor niu minister thiu khai ye khatdi Jengtung 23/12/1946 bonai T.P. Huruang, Pastor, Tarianglong Baptist Church niu patu baptised thiu khai de. Paniu Phelong Phumling gu second Incharge Pastor thiujiu takum 1950 – 1955 katang phung khai ye. Paniu patien (IC Pastor) mathak mi tadi Phumling maitu nkha khai, manang khai jiu lung khai ye. Sichiu lung jiu bam ga pa hai pating padi juan tad lan mide tiu jiu 1963 ga pakikhun tu mazang lujiu Luangdi Nam lam transfer tad lan mi de. Rapiu tien ga chalung gutjiu kam chariu jiu tien khai mibose thoidam thiujiu pata pana mai khuga kasi kangou mai lung pat karen bam-e.
