Ringamlung Newmai (S/o Namnerijanang Newmai and Kahotdiuliu Newmai)
Pahai papiu napuan ga nathubo (youngest child) thiujiu takum 1921 ga mana ye. Chiujiu pui-piu chengriak gasu Wanjengnganliu tu kalek thiujiu naraibo pui Pouliakdinliu tu mazang lu Jengtung 12/10/1951 bonai Christian convert thiu de. Patu lukhaibo, Soulang Pamai, Pastor niu lukhai ye. Patu Jengtung 17/08/1958 bonai ND. Kaibuanang, Pastor Namtiram Baptist church niu baptised thiu khai de. Pahai night school gasu tasi phibang kati lu jiu chalui khatdi Bible Lianglad ganiu ken jiu Phumling tu jukhai ye. Church ga chabon mai gu BCE (Baptist Christian Endeavor) President thiu jiu pawan khat phung khai ye, khadi Church Deacon phung khai ye. Sichiu bo wan ga incharge Pastor phung bam bo, Songjin Newmai gu malin leng patu incharge Pastor somkhai jiu takum 1966 – 1976 katang phung khai de. Pagu kalek ga npiumai 3 khadti npuimai 5 lungwang ye. Paniu Pastor phung bam bo lung ga Phumling wisu raleng changam maran jiu tien lu ye. Church building thiu sura leng Tasiu khatdi rangkang se makhon khai jiu maran khai bo pein niu watheng mak bo lung ga Kahumbo ki (church building) thiu su khai ye. Sichiu jiu paniu patien mathak ra pawan wangtang bo ting ga pamalin leng Kaihiamlung Newmai tu incharge Pastor tien som khai jiu pa mathak mi de. Paniu patien mathak mi ta di pamalin phung mai tu nkha khai jiu bam bo pein gasu Phumling haise wisan khang ye. paniu tien ra bo ngam kam hina tien tathui lujiu Jengtung 29/01/2001 bonai paniu kung bo panou, pata, pana mai khatdi pagu Phumling tu sou khai jiu kadi tien loi jiu mathak mide.
