Kaihiamlung Newmai ( S/o Maidondiu and Ningwangliu)
Pahai papui nai papiu napuan ga nathu bo (youngest son) thiu jiu Jengtung 04/03/1932 bonai puan ne. Pahai Namtiram primary school ga kati khai ye, chiujiu tasi si akulumak jiu bam tadi chalui, Bible makikhuan (Manipuri) khatdi katam tam bo ariak di ken si jiu bam niu ye. Pahai pui piu cheng riak gasu ‘Chabam Thonbo Magiang’ Kariumiliu tu kalek thiu ye. Jengtung 04/05/1959 bo nai Songjin Newmai niu Christian convert thiu khai ye. Sibo sai jungtung 05/04/1961 bonai ND. Kaibuanang, Pastor Namtiram Baptist Church niu patu Baptised thiu khai ye. Sichiu jiu takum 1962 & 1963 ga Phumling gu Chowkider phung khai ye. Sibo sai BCE gu Vice President takum 1964 & 1965 phung khai ye. Khadti siron na mak jiu mathak mibo Maselungbou, Phumling gu Secretary malin phung khai ye. Paniu Phumling gu phung majut jiu Sunday School Teacher di takum 1967 katang phungkhai ye. Sichiu jiu Phumling gu Secretary tien se takum 1964 – 1965 katang phung khai jiu pamalin leng Khiubang Newmai tu som khai jiu mathak mide. Patien mathak mi tadi patu Phumling gu Treasurer tien 1976 kum pi phung khai ye. Sibo wanga Ringngamlung Newmai incharge Pastor tien mathak ra pawan katheng khengwang mi bo jeng niu patu 1976 kum kaluai bo committee ga patien mathak khai mide. Sijieng niu pamalin leng phiu lan bo ga 1977 gu New session gu meeting gasu Kaihiamlung Newmai tu Incharge Pastor tien som khai de. Paniu takum kasum (3) I/C Pastor phung khang bo ga Mother Church thiu bam bo Namtiram Baptist Church niu Church Organised thiu khai ra sui khai jiu Jengtung 06/03/1979 bonai Phumling Organised thiu majut jiu Kaihiamlung Newmai tu Rev. MP Namthiurai, Field secretary, ZBA/MBA No. 4 niu Pastor Confirmed thiu khai de. Paniu Pastor phung bam bo lung ga takum 3 gu Leadership Training Diploma di lulu de. Hairon na mak jiu paniu Pastor phung bam bo lung ga Phelong nam hai Christian thiu gut kam jiu Jengtung 15/04/1980 bonai Kenpatbo changee (Passover) Changee lu de. Nkiu jiu Kahumbo ki (Church building) di Pucca thiu su jiu tuhoi katang bo chap bam me. Pagu kalek ga Tingwang niu Thoikhai bi jiu puimai khang 3, piumai khang 5 lungwang jiu paniu Pastor phung bam bo lung ga namai dung di tasi ningting sipat karein jiu Bible Theology tad mai di lungwang mi bo sai sui jiu Patien mathak ra kheng wang bo ga pachariu tu maning khai jiu pi mathak bui dei chiu jiu Jengtung 23/12/2002 bonai pi mathak khai de. Patien mathak raga Pamalin leng phiubo tinga Kaisingamang Newmai B.Th. tu sui khai jiu som khai dei. Paniu Pastor tien mathak mi tadi Home Evangelist thiujiu takum 2003 - 2005 katang thiu jiu bam ga Rapiu niu patu ku khai jiu paniu Kungbo Panou Pana Pata mai dung khatdi pagu Phumling mai tu sou khai diak jiu jeng 24/07/2005 bonai kadi tien loi jiu mathak mide.
