Kaisingamang Newmai
Pastor, Phelong Baptist Church
Jengtung 02-08-1974 bonai pahai non-Christian (Animism) kikhun ganiu lung wang bo ye. Papiu zan niu (L) Ahembou Newmai khatdi papui zan niu Jiubuiliu Newmai chiujiu ku ye. Chiujiu, watheng makbo lungga, Khrista gu Kawicham lukhaijiu kikhun mai Christian-mai thiu mi ye. Tuhoi panai puan nchambo npiumai khang nia (2) khatdi npuimai khang nia (2) lung bam ye, palui jan niu; Kaininglungbou Newmai, Wizanang Newmai, KH. Ringariangliu khatdi Thuantalakliu Pamai.Tingwang lungsa pein niu pasing-na dung khatdi patan-pui dung di kalek thiu jiu Tingwang gu thoidam kengjiu tah-nah mai lutou jiu lung bam-e. Papui nai papiu niu nahmai dung dikhang mak bo wan ga chariu sui jiu lung khang mibo kikhun thiu bam niu ye, chiudi panai niu kangambo ga nahmai dung tu tasi ningting pi phiu khai bi ye.
Kaisingamang Newmai tu Phelong Phumling mai niu rai kachangbo thiujiu Bible kati ra sponsored thiujiu 1997 kum lang khai ye. Chiujiu, 2002 kum Nagaland Bible College, Mokokchung gasu B. Th. Kati loi jiu wang de. Sibotang, patu hai Jengtung 24/12/2002 bonai Rev. K. Namjinpibou, Development Director, LNBA (M) niu Pastor leng Installation kam khai de. Takum 2002 – 2006 katang “Confirmation Pastor” thiujiu phung wang ye. Inkiu jiu Tingwang tien thiu san khang lura leng zeng niu patu hai Jengtung 09/04/2007 bonai Rev. Z. Mairilungbou Newmai, Executive Secretary, LNBA (M) niu minister thiu jiu patu hai “Licentiate Pastor” leng pi khai de. Phelong Phumling gu rai kachangbo Licentiate Pastor thiujiu Ministry thiu wang boga Magiang khaibo, Tadui nphum khaibo khatdi local ministry ngam hina ga pachun gutjiu Rapiu tu macha bamme.
Tingwang lungsa pein niu pagu ministry ga thoidam khaijiu Phumling khatdi pakikhun hai wisan khang jiu bam-e. Panou, Mathiujiuliu Newmai khatdi pana npiumai Samuel Newmai, Lunglienthuibou Newmai, Dammuibou Newmai khatdi panapui Lungsapiliu Newmai palui mathiu niu Tingwang thoidam doujiu chunwijiu lung bam-e.
Tuhoi Pastoral Ministry ga Tingkum kariu-chakiui (19) thiu tang mide khatdi pagu tingkum niu atai-za-nia (47) tang bam de.
